ਡਾ. ਰੁਪਿੰਦਰ ਕੌਰ ਪੀ.ਏ.ਯੂ. ਦੇ ਸਕਿੱਲ ਡਿਵੈਲਪਮੈਂਟ ਸੈਂਟਰ ਦੇ ਸਹਿਯੋਗੀ ਨਿਰਦੇਸ਼ਕ ਬਣੇ
Jun7,2023 | Anupam | Ludhianaਡਾ. ਰੁਪਿੰਦਰ ਕੌਰ ਨੂੰ ਪੀ.ਏ.ਯੂ. ਦੇ ਸਕਿੱਲ ਡਿਵੈਲਪਮੈਂਟ ਸੈਂਟਰ ਦੇ ਸਹਿਯੋਗੀ ਨਿਰਦੇਸ਼ਕ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ | ਡਾ. ਰੁਪਿੰਦਰ ਕੌਰ ਵਰਤਮਾਨ ਵਿੱਚ ਸੈਂਟਰ ਦੇ ਪ੍ਰਿੰਸੀਪਲ ਪਸਾਰ ਵਿਗਿਆਨੀ ਵਜੋਂ ਕੰਮ ਕਰ ਰਹੇ ਹਨ | ਨਾਲ ਹੀ ਉਹ ਪਸਾਰ ਸਿੱਖਿਆ ਵਿਭਾਗ ਵਿੱਚ ਅਧਿਆਪਨ ਅਤੇ ਖੋਜ ਦੇ ਖੇਤਰ ਵਿੱਚ ਸਰਗਰਮ ਹਨ | ਉਹਨਾਂ ਦੀ ਮੁਹਾਰਤ ਦਾ ਖੇਤਰ ਕਿਸਾਨਾਂ, ਕਿਸਾਨ ਬੀਬੀਆਂ, ਪੇਂਡੂ ਨੌਜਵਾਨਾਂ ਅਤੇ ਪਸਾਰ ਕਰਮੀਆਂ ਲਈ ਸਿਖਲਾਈ ਪ੍ਰੋਗਰਾਮਾਂ ਦਾ ਆਯੋਜਨ ਕਰਨਾ ਹੈ| ਡਾ. ਰੁਪਿੰਦਰ ਕੌਰ ਨੇ 1995 ਵਿੱਚ ਕ੍ਰਿਸੀ ਵਿਗਿਆਨ ਕੇਂਦਰ, ਲੰਗੜੋਆ ਤੋਂ ਸਹਾਇਕ ਪ੍ਰੋਫੈਸਰ (ਗ੍ਰਹਿ ਵਿਗਿਆਨ) ਵਜੋਂ ਆਪਣਾ ਕਾਰਜ ਸ਼ੁਰੂ ਕੀਤਾ | ਉਹ ਕ੍ਰਿਸੀ ਵਿਗਿਆਨ ਕੇਂਦਰ, ਖੇੜੀ (ਸੰਗਰੂਰ) ਅਤੇ ਕੈਰੋਂ ਕਿਸਾਨ ਘਰ ਵਿਖੇ ਵੀ ਆਪਣੀਆਂ ਸੇਵਾਵਾਂ ਨਿਭਾਉਂਦੇ ਰਹੇ | ਖੋਜ ਅਤੇ ਪਸਾਰ ਦੇ ਖੇਤਰ ਵਿੱਚ ਉਹਨਾਂ ਦੇ 146 ਲੇਖ ਪ੍ਰਕਾਸ਼ਿਤ ਹੋਏ | ਇਸ ਤੋਂ ਇਲਾਵਾ 22 ਪਸਾਰ ਬੁਲੇਟਿਨ/ਸਿਖਲਾਈ ਮੈਨੂਅਲ, 2 ਫੋਲਡਰ, ਸਮਾਜਿਕ ਮੁੱਦਿਆਂ ’ਤੇ 7 ਕਿਤਾਬਾਂ, 19 ਖੋਜ ਪੱਤਰ, 3 ਪੁਸਤਕ ਅਧਿਆਏ ਅਤੇ ਇੱਕ ਪੇਪਰ ਰਾਸ਼ਟਰੀ ਕਾਨਫਰੰਸ ਵਿੱਚ ਪੇਸ ਕੀਤਾ| ਉਹਨਾਂ ਨੇ ਸਹਿ ਨਿਗਰਾਨ ਵਜੋਂ 2 ਐਡਹਾਕ ਖੋਜ ਪ੍ਰੋਜੈਕਟਾਂ ਦੀ ਨਿਗਰਾਨੀ ਕੀਤੀ | ਉਹ ਪੀ.ਏ.ਯੂ. ਕਿਸਾਨ ਕਲੱਬ ਦੇ ਸਾਲਾਨਾ ਮੈਗਜੀਨ ਦੇ ਸੰਪਾਦਕ ਹਨ ਅਤੇ ਜਰਨਲ ਆਫ ਐਗਰੀਕਲਚਰਲ ਡਿਵੈਲਪਮੈਂਟ ਐਂਡ ਪਾਲਿਸੀ ਦੇ ਸੰਪਾਦਕੀ ਬੋਰਡ ਦੇ ਮੈਂਬਰ ਹਨ | ਉਹਨਾਂ ਨੇ ਪਸਾਰ ਦੇ ਖੇਤਰ ਵਿੱਚ 469 ਛੋਟੀ ਮਿਆਦ ਦੀਆਂ ਸਿਖਲਾਈਆਂ, 50 ਕਿੱਤਾਮੁਖੀ ਸਿਖਲਾਈਆਂ, 141 ਇਨ-ਸਰਵਿਸ ਸਿਖਲਾਈਆਂ, ਕਿਸਾਨਾਂ ਅਤੇ ਕਿਸਾਨ ਬੀਬੀਆਂ ਲਈ 45 ਪ੍ਰਾਯੋਜਿਤ ਸਿਖਲਾਈ ਕੋਰਸ, ਪੀਏਯੂ ਕਿਸਾਨ ਕਲੱਬ (ਲੇਡੀਜ ਵਿੰਗ) ਦੇ ਮੈਂਬਰਾਂ ਲਈ 186 ਮਾਸਿਕ ਸਿਖਲਾਈ ਕੈਂਪ ਅਤੇ 62 ਸਿਖਲਾਈ ਕੈਂਪ ਲਗਾਏ ਗਏ| ਉਹ ਪ੍ਰੋਗਰੈਸਿਵ ਬੀ-ਕੀਪਰਜ ਐਸੋਸੀਏਸਨ ਦੇ ਮੈਂਬਰ ਹਨ | ਉਹਨਾਂ ਨੇ 35 ਟੀਵੀ ਵਾਰਤਾਵਾਂ, 10 ਰੇਡੀਓ ਵਾਰਤਾਵਾਂ, 831 ਪਸਾਰ ਭਾਸ਼ਣ ਅਤੇ 110 ਪ੍ਰਦਰਸਨ ਆਯੋਜਿਤ ਕੀਤੇ | ਇਹਨਾਂ ਸਿਖਲਾਈਆਂ ਦੇ ਨਤੀਜੇ ਵਜੋਂ 17 ਸਵੈ-ਸਹਾਇਤਾ ਸਮੂਹਾਂ ਅਤੇ 152 ਕਿਸਾਨਾਂ/ਖੇਤੀ ਔਰਤਾਂ ਨੇ ਜੈਕਾ, ਗਲੋਬਲ, ਸਵਾਦਿਸਟ ਬਾਇਟਸ, ਮੁਸਕਾਨ ਆਦਿ ਖੇਤੀ-ਉੱਦਮ ਸ਼ੁਰੂ ਕੀਤੇ | ਉਹ ਪੀਏਯੂ ਕਿਸਾਨ ਕਲੱਬ (ਲੇਡੀਜ ਵਿੰਗ) ਦੇ ਕੋਆਰਡੀਨੇਟਰ ਹੋਣ ਦੇ ਨਾਲ-ਨਾਲ ਗ੍ਰਹਿ ਵਿਗਿਆਨ ਸਿਖਲਾਈ ਕੋਰਸਾਂ ਦੇ ਕੋਆਰਡੀਨੇਟਰ, ਪ੍ਰੋਗਰੈਸਿਵ ਬੀ-ਕੀਪਰਜ ਐਸੋਸੀਏਸਨ ਦੇ ਕੋਆਰਡੀਨੇਟਰ, ਯੰਗ ਫਾਰਮਰਜ ਟਰੇਨਿੰਗ ਕਲਾਸ ਦੇ ਕੋਆਰਡੀਨੇਟਰ, ਫਾਈਨ ਆਰਟਸ ਅਤੇ ਫੋਟੋਗ੍ਰਾਫੀ ਕਮੇਟੀ (ਪੁਰਸ ਅਤੇ ਮਹਿਲਾ) ਪੀਏਯੂ ਦੇ ਪ੍ਰਧਾਨ, ਡੀਡੀਐਮਸੀ ਦੇ ਉਪ-ਪ੍ਰਧਾਨ ਦੀ ਜ਼ਿੰਮੇਵਾਰੀ ਨਿਭਾਉਂਦੇ ਰਹੇ ਹਨ | ਉਹਨਾਂ ਨੇ 586 ਨਵੇਂ ਮੈਂਬਰਾਂ ਨੂੰ ਪੀਏਯੂ ਕਿਸਾਨ ਕਲੱਬ ਵਿੱਚ ਸਾਮਲ ਹੋਣ ਲਈ ਪ੍ਰੇਰਿਤ ਕੀਤਾ | ਡਾ. ਰੁਪਿੰਦਰ ਕੌਰ ਨੇ ਅਧਿਆਪਨ ਦੇ ਖੇਤਰ ਵਿੱਚ 15 ਬੀ.ਐਸ.ਸੀ. ਕੋਰਸ, 14 ਐਮ.ਐਸ.ਸੀ. ਕੋਰਸ, 7 ਪੀ.ਐਚ.ਡੀ. ਕੋਰਸ, 9 ਬੀ. ਐੱਡ ਕੋਰਸ, ਅਤੇ 34 ਨੌਜਵਾਨ ਕਿਸਾਨ ਕੋਰਸ ਪੜ੍ਹਾਏ | ਉਹ 8 ਐਮ.ਐਸ.ਸੀ. ਅਤੇ 4 ਪੀ.ਐਚ.ਡੀ. ਵਿਦਿਆਰਥੀ ਦੇ ਨਿਗਰਾਨ ਰਹੇ |
Dr-Rupinder-Kaur-P-a-u-Became-Associate-Director-Of-Skill-Development-Center
