ਸਾਰੇ ਕਿਰਤੀਆਂ ਦੇ ਰਾਸ਼ਨ ਕਾਰਡ ਬਣਾਉਣ, ਕੱਟੇ ਗਏ ਕਾਰਡ ਬਹਾਲ ਕਰਾਉਣ, ਬਕਾਇਆ ਰਾਸ਼ਨ ਜਾਰੀ ਕਰਨ ਤੇ ਹੋਰ ਮੰਗਾਂ ਸਬੰਧੀ
ਮਜ਼ਦੂਰ ਜੱਥੇਬੰਦੀਆਂ ਏ.ਡੀ.ਸੀ. ਲੁਧਿਆਣਾ ਨੂੰ ਯਾਦ ਪੱਤਰ ਸੌਂਪਿਆ
May22,2023 | ANUPAM | ludhiana22 ਮਈ 2023 ਲੁਧਿਆਣਾ- ਅੱਜ ਲੁਧਿਆਣੇ ਦੀਆਂ ਮਜ਼ਦੂਰ-ਨੌਜਵਾਨ ਜਥੇਬੰਦੀਆਂ ਦੇ ਵਫ਼ਦ ਦੁਆਰਾ ਡੀ.ਸੀ. ਦਫਤਰ ਲੁਧਿਆਣਾ ਵਿਖੇ ਨਜਾਇਜ ਤੌਰ ’ਤੇ ਕੱਟੇ ਗਏ ਰਾਸ਼ਨ ਕਾਰਡ ਬਹਾਲ ਕਰਵਾਉਣ, ਰਾਸ਼ਨ ਕਟੌਤੀ ਬੰਦ ਕਰਨ, ਨਵੇਂ ਰਾਸ਼ਨ ਕਾਰਡ ਜਾਰੀ ਕਰਨ ਤੇ ਹੋਰ ਮੰਗਾਂ ਲਈ ਯਾਦ ਪੱਤਰ ਸੌਂਪਿਆ ਗਿਆ। ਜਿਕਰਯੋਗ ਹੈ ਕਿ ਲੰਘੀ 12 ਅਪ੍ਰੈਲ 2023 ਨੂੰ ਜਥੇਬੰਦਆਂ ਦੀ ਅਗਵਾਈ ਹੇਠ ਸੈਂਕੜੇ ਲੋਕਾਂ ਨੇ ਡੀ.ਸੀ ਦਫਤਰ ਵਿਖੇ ਰੋਸ ਮੁਜਾਹਰਾ ਕਰਕੇ ਰਾਸ਼ਨ ਕਾਰਡ ਕੱਟੇ ਜਾਣ ਅਤੇ ਲੋਕਾਂ ਦੀਆਂ ਹੋਰ ਸਮੱਸਿਆਵਾਂ ਸਬੰਧੀ ਮੰਗ ਪੱਤਰ ਦਿੱਤਾ ਸੀ ਅਤੇ 4 ਅਗਸਤ 2021 ਨੂੰ ਨਵੇਂ ਰਾਸ਼ਨ ਕਾਰਡ ਜਾਰੀ ਕਰਨ ਸਬੰਧੀ ਦਿੱਤੀਆਂ ਅਰਜੀਆਂ ਉੱਪਰ ਕੋਈ ਕਾਰਵਾਈ ਨਾ ਹੋਣ ਬਾਰੇ ਵੀ ਦੱਸਿਆ ਗਿਆ ਸੀ। ਮੌਕੇ ’ਤੇ ਮੌਜੂਦ ਅਫਸਰ ਸੀ.ਐਮ.ਐਫ.ਓ. ਉਪਿੰਦਰਜੀਤ ਕੌਰ ਬਰਾੜ ਨੇ ਭਰੋਸਾ ਦਵਾਇਆ ਸੀ ਕਿ ਇਸ ਸਬੰਧੀ ਜਲਦੀ ਕਾਰਵਾਈ ਕੀਤੀ ਜਾਵੇਗੀ। ਇਸ ਸਬੰਧੀ ਅੱਜ ਜਥੇਬੰਦੀਆਂ ਦਾ ਵਫ਼ਦ ਏ.ਡੀ.ਸੀ. ਰਾਹੁਲ ਚਾਬਾ ਨੂੰ ਮਿਲਿਆ। ਉਹਨਾਂ ਜਲਦ ਕਾਰਵਾਈ ਦਾ ਭਰੋਸਾ ਦਵਾਉਂਦੇ ਹੋਏ ਕਿਹਾ ਕਿ ਇਹ ਮਾਮਲਾ ਸੀ.ਐਮ.ਐਫ.ਓ. ਉਪਿੰਦਰਜੀਤ ਕੌਰ ਬਰਾੜ ਦੇਖ ਰਹੇ ਹਨ ਅਤੇ ਉਹਨਾਂ ਨੂੰ ਇਹ ਯਾਦ ਪੱਤਰ ਸਪੁਰਦ ਕਰ ਦਿੱਤਾ ਜਾਵੇਗਾ। ਇਸ ਮੌਕੇ ਟੈਕਸਟਾਇਲ ਹੌਜ਼ਰੀ ਕਾਮਗਾਰ ਯੂਨਿਅਨ ਦੇ ਸਕੱਤਰ ਜਗਦੀਸ਼, ਕਾਰਖਾਨਾ ਮਜ਼ਦੂਰ ਯੂਨਿਅਨ ਦੇ ਪ੍ਰਧਾਨ ਲਖਵਿੰਦਰ ਅਤੇ ਆਗੂ ਕਲਪਨਾ, ਪੇਂਡੂ ਮਜ਼ਦੂਰ ਯੂਨਿਅਨ ਦੇ ਪ੍ਰਧਾਨ ਡਾ.ਸੁਖਦੇਵ ਭੂੰਦੜੀ ਅਤੇ ਅਤੇ ਨੌਜਵਾਨ ਭਾਰਤ ਸਭਾ ਦੀ ਸੂਬਾ ਆਗੂ ਬਿੰਨੀ ਸ਼ਾਮਲ ਸਨ।
Making ration cards of all workers
