ਲੁਧਿਆਣਾ ਪੁਲਿਸ ਨੇ ਲੱਖਾਂ ਦੇ ਗਹਿਣੇ ਤੇ ਨਕਦੀ ਚੋਰੀ ਦਾ ਮਾਮਲਾ 6 ਘੰਟਿਆਂ -ਚ ਸੁਲਝਾਇਆ - ਚੋਰੀ ਨੂੰ ਅੰਜਾਮ ਦੇਣ ਵਾਲੀ ਨੂੰਹ ਗ੍ਰਿਫਤਾਰ
10 ਤੋਲੇ ਸੋਨਾ, 6 ਤੋਲੇ ਚਾਂਦੀ ਦੇ ਗਹਿਣੇ ਅਤੇ 4.25 ਲੱਖ ਚੋਰੀ ਕੀਤੇ ਬਰਾਮਦ - Acp ਅਸ਼ੋਕ ਕੁਮਾਰ
Jun13,2023 | Abhi Kandiyara | Ludhianaਲੁਧਿਆਣਾ ਦੇ ਦੁੱਗਰੀ ਇਲਾਕੇ -ਚ ਪੈਂਦੇ ਐਮਆਈਜੀ ਫਲੈਟ -ਚੋਂ ਲੱਖਾਂ ਰੁਪਏ ਦੇ ਗਹਿਣੇ ਅਤੇ ਲੱਖਾਂ ਰੁਪਏ ਦੀ ਨਕਦੀ ਚੋਰੀ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਸਬੰਧੀ ਪੁਲਿਸ ਨੇ ਘਰ ਦੇ ਸੰਚਾਲਕ ਦੀ ਸ਼ਿਕਾਇਤ -ਤੇ ਚੋਰੀ ਦੇ ਤਹਿਤ ਮਾਮਲਾ ਦਰਜ ਕਰਕੇ ਉਕਤ ਵਾਰਦਾਤ ਨੂੰ 6 ਘੰਟਿਆਂ -ਚ ਸੁਲਝਾ ਲਿਆ | ਪੁਲਸ ਨੇ ਘਰੋਂ 10 ਤੋਲੇ ਸੋਨਾ, 6 ਤੋਲੇ ਚਾਂਦੀ ਦੇ ਗਹਿਣੇ ਅਤੇ 4 ਲੱਖ 27 ਹਜ਼ਾਰ 100 ਨਕਦੀ ਚੋਰੀ ਕਰਨ ਵਾਲੀ ਨੂੰਹ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਏ.ਸੀ.ਪੀ ਸਾਊਥ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਫੜੀ ਗਈ ਔਰਤ ਦੀ ਪਹਿਚਾਣ ਵੰਦਨਾ ਉਮਰ 30 ਸਾਲ ਵਜੋਂ ਹੋਈ ਹੈ। ਜੋ ਕਿ ਸ਼ਿਕਾਇਤਕਰਤਾ ਦੇ ਵੱਡੇ ਪੁੱਤਰ ਦੀ ਪਤਨੀ ਹੈ। ਔਰਤ ਨੇ ਕਰਜ਼ੇ ਦੇ ਪੈਸੇ ਲਈ ਚੋਰੀ ਕੀਤੀ ਸੀ। ਜਿਨ੍ਹਾਂ ਦੇ ਕਬਜ਼ੇ -ਚੋਂ ਪੁਲਿਸ ਨੇ 10 ਤੋਲੇ ਸੋਨੇ ਦੇ ਗਹਿਣੇ, 6 ਤੋਲੇ ਚਾਂਦੀ ਦੇ ਗਹਿਣੇ ਅਤੇ ਚੋਰੀ ਦੇ 4 ਲੱਖ 27 ਹਜ਼ਾਰ 100 ਰੁਪਏ ਬਰਾਮਦ ਕੀਤੇ ਹਨ | ਅਗਲੀ ਕਾਰਵਾਈ ਲਈ ਔਰਤ ਨੂੰ ਸਵੇਰੇ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ। ਡੀਸੀਪੀ ਦਿਹਾਤੀ ਜਸਕਿਰਨਜੀਤ ਸਿੰਘ ਤੇਜਾ ਨੇ ਦੱਸਿਆ ਕਿ ਦੁੱਗਰੀ ਐਮਆਈਜੀ ਫਲੈਟ ਵਾਸੀ ਦੀਪ ਸਿੰਘ ਵੱਲੋਂ ਸਵੇਰੇ ਸ਼ਿਕਾਇਤ ਮਿਲੀ ਸੀ। ਜਿਸ ਨੇ ਦੱਸਿਆ ਕਿ ਰੋਜ਼ਾਨਾ ਵਾਂਗ ਸਵੇਰੇ 6:30 ਵਜੇ ਉਹ ਆਪਣੇ ਛੋਟੇ ਬੇਟੇ ਹਤੀਸ਼ ਨਾਰੰਗ ਨਾਲ ਅਖਬਾਰ ਵੇਚਣ ਲਈ ਘਰੋਂ ਨਿਕਲਿਆ ਸੀ। ਅਤੇ ਉਥੋਂ ਸ਼ਾਮ 7 ਵਜੇ ਉਸ ਨੂੰ ਵੱਡੇ ਲੜਕੇ ਚੇਤਨ ਨਾਰੰਗ ਦਾ ਫੋਨ ਆਇਆ ਕਿ ਉਸ ਦੇ ਜਾਣ ਤੋਂ ਬਾਅਦ ਮਾਂ ਸਾਹਮਣੇ ਪਾਰਕ ਵਿਚ ਸੈਰ ਕਰਨ ਗਈ ਹੈ। ਉਹ ਅਤੇ ਉਸਦੀ ਪਤਨੀ ਕਮਰੇ ਵਿੱਚ ਸੁੱਤੇ ਹੋਏ ਸਨ।ਜਦੋਂ ਉਸਦੀ ਮਾਂ 6.50 ਮਿੰਟ -ਤੇ ਸੈਰ ਕਰਕੇ ਵਾਪਸ ਆਈ ਤਾਂ ਉਸਨੇ ਦੇਖਿਆ ਕਿ ਕਮਰੇ ਦੀ ਅਲਮਾਰੀ ਦਾ ਤਾਲਾ ਟੁੱਟਿਆ ਹੋਇਆ ਸੀ ਅਤੇ ਅੰਦਰੋਂ ਸਮਾਨ ਖਿਲਰਿਆ ਪਿਆ ਸੀ। ਚੈਕਿੰਗ ਕਰਨ -ਤੇ ਅੰਦਰੋਂ ਸੋਨੇ-ਚਾਂਦੀ ਦੇ ਗਹਿਣੇ ਅਤੇ ਨਕਦੀ ਚੋਰੀ ਹੋ ਗਈ ਸੀ। ਪੁਲਿਸ ਨੇ ਸ਼ਿਕਾਇਤ -ਤੇ ਕਾਰਵਾਈ ਕਰਦੇ ਹੋਏ ਚੋਰੀ ਦੇ ਤਹਿਤ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਜਦੋਂ ਏਸੀਪੀ ਅਸ਼ੋਕ ਕੁਮਾਰ ਦੀ ਅਗਵਾਈ ਵਿੱਚ ਐਸਐਚਓ ਦੁੱਗਰੀ ਅਤੇ ਉਨ੍ਹਾਂ ਦੀ ਪੁਲੀਸ ਪਾਰਟੀ ਨੇ ਪਰਿਵਾਰਕ ਮੈਂਬਰਾਂ ਤੋਂ ਸਖ਼ਤੀ ਨਾਲ ਪੁੱਛਗਿੱਛ ਕੀਤੀ ਤਾਂ ਸ਼ਿਕਾਇਤਕਰਤਾ ਦੀ ਨੂੰਹ ਵੱਲੋਂ ਕੀਤੀ ਚੋਰੀ ਦੀ ਘਟਨਾ ਸਾਹਮਣੇ ਆ ਗਈ।
Ludhiana-Police-Solved-The-Case-Of-Theft-Of-Lakhs-Of-Rupees-And-Cash-In-6-Hours
