NIA ਨੇ ਪੰਜਾਬ-ਹਰਿਆਣਾ -ਚ 60 ਥਾਵਾਂ -ਤੇ ਛਾਪੇਮਾਰੀ ਕੀਤੀ

NIA raided 60 places in Punjab-Haryana

May17,2023 | Abhishek |

ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ (ਐਨਆਈਏ) ਦੀਆਂ ਟੀਮਾਂ ਨੇ ਸਥਾਨਕ ਪੁਲਿਸ ਦੇ ਸਹਿਯੋਗ ਨਾਲ ਅੱਜ (ਬੁੱਧਵਾਰ) ਸਵੇਰੇ 5 ਵਜੇ ਪੰਜਾਬ ਅਤੇ ਹਰਿਆਣਾ ਦੇ 60 ਤੋਂ ਵੱਧ ਟਿਕਾਣਿਆਂ -ਤੇ ਛਾਪੇਮਾਰੀ ਕੀਤੀ। ਏਜੰਸੀ ਨੇ ਇਹ ਕਾਰਵਾਈ ਅੱਤਵਾਦੀ ਫੰਡਿੰਗ ਅਤੇ ਹਥਿਆਰਾਂ ਦੀ ਖਰੀਦ-ਵੇਚ ਦੀ ਸੂਚਨਾ -ਤੇ ਕੀਤੀ ਹੈ। ਇਨ੍ਹਾਂ ਥਾਵਾਂ -ਤੇ ਡੂੰਘਾਈ ਨਾਲ ਤਲਾਸ਼ੀ ਲਈ ਜਾ ਰਹੀ ਹੈ। ਏਜੰਸੀ ਨੇ ਪੰਜਾਬ ਦੇ ਬਠਿੰਡਾ ਸ਼ਹਿਰ ਦੇ ਚਾਂਦਪੁਰ ਕਸਬੇ ਵਿੱਚ ਖੋਖਰ ਨਾਮ ਦੇ ਵਿਅਕਤੀ ਦੇ ਘਰ ਛਾਪਾ ਮਾਰਿਆ। ਮੰਨਿਆ ਜਾ ਰਿਹਾ ਹੈ ਕਿ ਗੈਂਗਸਟਰਾਂ ਨੂੰ ਵਾਹਨ ਮੁਹੱਈਆ ਕਰਵਾਉਣ -ਚ ਖੋਖਰ ਦੀ ਅਹਿਮ ਭੂਮਿਕਾ ਹੈ। NIA ਨੇ ਖੋਖਰ ਨੂੰ ਹਿਰਾਸਤ -ਚ ਲੈ ਲਿਆ ਹੈ। ਜਲੰਧਰ ਦੇ ਅਮਨ ਨਗਰ ਵਿੱਚ ਇੱਕ ਬਿਲਡਰ ਦੇ ਘਰ ਦੀ ਤਲਾਸ਼ੀ ਲਈ ਜਾ ਰਹੀ ਹੈ। ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਦੋਦਾ ਵਿੱਚ ਬਲਬੀਰ ਸਿੰਘ ਦੇ ਘਰ ਜਾ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਬਲਬੀਰ ਦਾ ਪੁੱਤਰ ਕੁਲਦੀਪ ਸਿੰਘ ਫੌਜ ਵਿੱਚ ਹੈ। ਸ਼ੱਕ ਹੈ ਕਿ ਕੁਲਦੀਪ ਨੇ ਫੌਜ ਦੇ ਕੁਝ ਦਸਤਾਵੇਜ਼ ਲੀਕ ਕੀਤੇ ਹਨ।

NIA raided 60 places in Punjab-Haryana