ਪੀ.ਏ.ਯੂ. ਦੇ ਵਿਦਿਆਰਥੀ ਨੂੰ ਸਰਵੋਤਮ ਖੋਜ ਐਵਾਰਡ ਮਿਲਿਆ
Jun9,2023 | Anupam | Ludhianaਪੀ.ਏ.ਯੂ. ਦੇ ਕਮਿਊਨਟੀ ਸਾਇੰਸ ਕਾਲਜ ਦੇ ਮਾਨਵ ਵਿਕਾਸ ਅਤੇ ਪਰਿਵਾਰਕ ਅਧਿਐਨ ਵਿਭਾਗ ਵਿੱਚ ਪੀ ਐੱਚ ਡੀ ਦੀ ਖੋਜਾਰਥੀ ਕੁਮਾਰੀ ਇਰਿਨ ਦਾਸ ਨੂੰ ਬੀਤੇ ਦਿਨੀਂ ਸਰਵੋਤਮ ਖੋਜ ਪੁਰਸਕਾਰ ਨਾਲ ਸਨਮਾਨਿਆ ਗਿਆ | ਇਹ ਪੁਰਸਕਾਰ ਡਾ. ਭੀਮ ਰਾਓ ਅੰਬੇਦਕਰ ਯੂਨੀਵਰਸਿਟੀ ਆਗਰਾ ਵਿੱਚ ਬੀਤੇ ਦਿਨੀਂ ਕਰਵਾਈ ਗਈ ਅੰਤਰਰਾਸ਼ਟਰੀ ਕਾਨਫਰੰਸ ਦੌਰਾਨ ਦਿੱਤਾ ਗਿਆ | ਭਾਰਤ ਸਰਕਾਰ ਨੇ ਖੋਜ ਅਤੇ ਸਥਿਰ ਵਿਕਾਸ ਕੌਂਸਲ ਵੱਲੋਂ ਇੰਜੀਨੀਅਰਿੰਗ, ਸਾਇੰਸ ਐਗਰੀਕਲਚਰ ਅਤੇ ਸੋਸਲ ਸਟੱਡੀਜ ਵਿੱਚ ਬਹੁ-ਅਨੁਸਾਸਨੀ ਪਹੁੰਚਾਂ ਵਿਸੇ ’ਤੇ ਇਹ ਅੰਤਰਰਾਸਟਰੀ ਕਾਨਫਰੰਸ ਕਰਵਾਈ ਗਈ | ਜ਼ਿਕਰਯੋਗ ਹੈ ਕਿ ਕੁਮਾਰੀ ਦਾਸ ਯੂ ਜੀ ਸੀ ਦੀ ਜੂਨੀਅਰ ਖੋਜ ਫੈਲੋਸ਼ਿਪ ਪ੍ਰਾਪਤਕਰਤਾ ਵੀ ਹੈ| ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ, ਡੀਨ ਪੋਸਟ ਗ੍ਰੈਜੂਏਟ ਸਟੱਡੀਜ਼ ਡਾ. ਪਰਦੀਪ ਕੁਮਾਰ ਛੁਨੇਜਾ, ਕਮਿਊਨਟੀ ਸਾਇੰਸਜ਼ ਕਾਲਜ ਦੇ ਡੀਨ ਡਾ. ਕਿਰਨਜੋਤ ਸਿੱਧੂ ਅਤੇ ਮਨੁੱਖੀ ਵਿਕਾਸ ਅਤੇ ਪਰਿਵਾਰਕ ਅਧਿਐਨ ਵਿਭਾਗ ਦੇ ਮੁਖੀ ਡਾ. ਦੀਪਿਕਾ ਵਿਗ ਨੇ ਕੁਮਾਰੀ ਇਰਿਨ ਦਾਸ ਅਤੇ ਉਹਨਾਂ ਦੇ ਨਿਗਰਾਨ ਡਾ. ਆਸਾ ਚਾਵਲਾ ਠਾਕਰ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ|
Pau-The-Student-Received-The-Best-Research-Award
