ਸਾਬਕਾ ਮੰਤਰੀ ਭਾਰਤ ਭੂਸ਼ਣ ਆਸ਼ੂ ਦੇ ਘਰ ਈਡੀ ਦੀ ਜਾਂਚ ਮੁਕੰਮਲ, ਕਈ ਸਮਰਥਕ ਪੁੱਜੇ ਘਰ
Aug24,2023 | Narinder Kumar | Ludhianaਮਮਤਾ ਆਸੂ ਨੇ ਕਿਹਾ ਕਿ ਜੋਂ ਵਿਜੀਲੈਂਸ ਨੂੰ ਡਾਕੂਮੈਂਟ ਕਰਵਾਏ ਸੀ ਪੇਸ਼ ਉਹੀ ਦਿੱਤੇ ਈਡੀ ਨੂੰ
ਲੁਧਿਆਣਾ, 24 ਅਗਸਤ - ਪੰਜਾਬ ਦੇ ਸਾਬਕਾ ਫੂਡ ਐਂਡ ਸਿਵਿਲ ਸਪਲਾਈ ਮੰਤਰੀ ਭਾਰਤ ਭੂਸ਼ਣ ਆਸ਼ੂ ਦੇ ਘਰ ਪਹੁੰਚੀ ਈਡੀ ਪੂਰੇ ਦਿਨ ਦੀ ਜਾਂਚ ਤੋਂ ਬਾਅਦ ਵਾਪਿਸ ਚਲੀ ਗਈ ਹੈ. ਈਡੀ ਦੀ ਟੀਮ ਤੜਕ ਸਾਰ ਤੋਂ ਹੀ ਘਰ ਵਿੱਚ ਜਾਂਚ ਲਈ ਸ਼ਾਮਿਲ ਹੋਈ ਸੀ.ਹਾਲਾਂਕਿ ਈਡੀ ਦੇ ਅਧਿਕਾਰੀਆਂ ਨੇ ਇਸ ਜਾਂਚ ਬਾਰੇ ਕੋਈ ਖੁਲਾਸਾ ਨਹੀਂ ਕੀਤਾ ਪਰ ਮੰਨਿਿਆ ਜਾ ਰਿਹਾ ਹੈ ਕਿ ਕਾਂਗਰਸ ਰਾਜ ਦੇ ਦੌਰਾਨ ਪੰਜਾਬ ਦੀਆਂ ਮੰਡੀਆਂ ਵਿੱਚ ਅਨਾਜ ਮੰਡੀਆਂ ਦੇ ਟੈਂਡਰਾਂ ਅਤੇ ਅਨਾਜ ਦੀ ਖਰੀਦ ਫ਼ਰੋਖਤ ਦੌਰਾਨ ਹੋਏ ਘਪਲਿਆਂ ਦੇ ਮਾਮਲੇ ਵਿੱਚ ਈਡੀ ਜਾਂਚ ਕਰ ਰਹੀ ਹੈ. ਸਿਰਫ ਸਾਬਕਾ ਮੰਤਰੀ ਭਾਰਤ ਭੂਸ਼ਣ ਹੀ ਨਹੀਂ ਬਲਕਿ ਉਨ੍ਹਾਂ ਦੇ ਕਈ ਹੋਰ ਨਜ਼ਦੀਕੀਆਂ ਦੇ ਘਰ ਵੀ ਈਡੀ ਦੀਆਂ ਟੀਮਾਂ ਜਾਂਚ ਕਰ ਰਹੀਆਂ ਸਨ. ਇਸਤੋਂ ਅਲਾਵਾ ਕਈ ਠੇਕੇਦਾਰਾਂ, ਆੜਤੀਆਂ ਅਤੇ ਕਾਰੋਬਾਰੀਆਂ ਦੇ ਠਿਕਾਣਿਆਂ ਤੇ ਵੀ ਈਡੀ ਦੀ ਟੀਮ ਨੇ ਜਾਂਚ ਕੀਤੀ. ਜਾਂਚ ਤੋਂ ਬਾਅਦ ਕਈ ਸਮਰਥਕ ਪੁੱਜੇ ਉਨ੍ਹਾਂ ਦੇ ਘਰ.
ਸਾਬਕਾ ਮੰਤਰੀ ਭਾਰਤ ਭੂਸ਼ਨ ਦੇ ਘਰ ਹੋਈ ਇਡੀ ਦੀ ਰੇਡ ਦੇ ਮਾਮਲੇ ਵਿੱਚ ਮੰਤਰੀ ਪਤਨੀ ਦਾ ਵੱਡਾ ਬਿਆਨ ਸਾਹਮਣੇ ਆਇਆ ਹੈ। ਉਨ੍ਹਾਂ ਕਿਹਾ ਕਿ ਜੋ ਵੀ ਉਨ੍ਹਾਂ ਕੋਲੋਂ ਦਸਤਾਵੇਜ ਮੰਗੇ ਗਏ ਨੇ ਉਸ ਵਿੱਚ ਉਹ ਪੂਰਾ ਸਹਿਯੋਗ ਕਰਨਗੇ। ਉਨ੍ਹਾਂ ਕਿਹਾ ਕਿ ਸਾਬਕਾ ਮੰਤਰੀ ਭਾਰਤ ਭੂਸ਼ਣ ਆਸ਼ੂ ਕਾਂਗਰਸ ਦੇ ਸੀ ਅਤੇ ਕਾਂਗਰਸ ਦੇ ਹੀ ਰਹਿਣਗੇ। ਇਸ ਤੋਂ ਇਲਾਵਾ ਉਨ੍ਹਾਂ ਭਾਜਪਾ ਸਰਕਾਰ ਤੇ ਜੰਮ ਕੇ ਨਿਸ਼ਾਨਾ ਸਾਧਿਆ
