ਕੁੱਲ ਹਿੰਦ ਕਿਸਾਨ ਸਭਾ ਦੇ ਮੈਂਬਰਾਂ ਨੇ ਕੀਤਾ ਸਤਲੁਜ ਕੰਢ੍ਹੇ ਪਿੰਡਾਂ ਦਾ ਦੌਰਾ
Jul14,2023 | Muneesh Targotra | Ludhianaਕੁੱਲ ਹਿੰਦ ਕਿਸਾਨ ਸਭਾ (1936) ਜ਼ਿਲ੍ਹਾ ਲੁਧਿਆਣਾ ਦੇ ਕਾਰਜਕਾਰੀ ਪ੍ਰਧਾਨ ਜਸਵੀਰ ਝੱਜ, ਜਨਰਲ ਸਕੱਤਰ ਚਮਕੌਰ ਸਿੰਘ, ਵਿੱਤ ਸਕੱਤਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ, ਚਰਨ ਸਿੰਘ ਸਰਾਭਾ ਨੇ ਸਤਲੁਜ ਕੰਢ੍ਹੇ ਵਸੇ ਧਨਾਨਸੂ, ਭੁੱਖੜੀ ਕਲਾਂ, ਭੁੱਖੜੀ ਖੁਰਦ, ਖਾਸੀਆਂ, ਸਾਹਾਬਾਣਾ, ਭੈਣੀ, ਝਾਬੇਵਾਲ ਆਦਿ ਪਿੰਡਾਂ ਦਾ ਦੌਰਾ ਕੀਤਾ। ਇਸ ਸਮੇਂ ਪਿੰਡ ਧਨਾਨਸੂ ਦੇ ਪੰਚ ਅਮਰਜੀਪ ਸਿੰਘ ਨੇ ਦੱਸਿਆ ਕਿ ਜਿਸ ਦਿਨ ਤੋਂ ਹੜਾਂ ਦੀ ਸਥਿੱਤੀ ਬਣੀ ਹੈ, ਸਰਕਾਰ ਦਾ ਕੋਈ ਵੀ ਨੁੰਮਾਇਦਾ ਸਾਡੀ ਸਾਰ ਲੈਣ ਨਹੀਂ ਆਇਆ। ਧਨਾਨਸੂ ਦੇ ਕਿਸਾਨ ਬੁੱਧ ਸਿੰਘ ਪੁੱਤਰ ਚੰਦ ਸਿੰਘ ਨੇ ਦੱਸਿਆ ਕਿ ਉਸ ਨੇ 10 ਕਿਲੇ ਜ਼ਮੀਨ ਮਾਮਲੇ ਪੰਜਤਾਲੀ ਹਜ਼ਾਰ ਰੁਪਏ ਪ੍ਰਤੀ ਕਿਲੇ ਦੇ ਹਿਸਾਬ ਲੈ ਕੇ ਧਾਨ ਲਗਾਏ ਸਨ ਜੋ ਪੜ੍ਹ ਦੇ ਪਾਣੀ ਦੀ ਭੇਂਟ ਚੜ੍ਹ ਗਏ। ਇਸੇ ਤਰ੍ਹਾਂ ਬੁੱਢ੍ਹੇ ਨਾਲੇ ਤੇ ਪੈਂਦੀਆਂ, ਭੁੱਖੜੀ ਪਿੰਡ ਦੀਆਂ ਦੋ ਪੁਲੀਆਂ ਟੁੱਟਣ ਨਾਲ ਪਾਰ ਰਪਿੰਦੇ ਪਿੰਡਾਂ ਦਾ ਰਾਬਤਾ ਵੀ ਟੁੱਟ ਗਿਆ। ਇਸ ਇਲਾਕੇ ਵਿਚ ਸਾਇਕਲ ਵੈਲੀ ਦੇ ਇਲਾਕੇ ਵਿਚ ਖੜ੍ਹੀਆਂ ਫਸਲਾਂ ‘ਤੇ ਅਜੇ ਵੀ ਹੜ ਦੇ ਪਾਣੀ ਦਾ ਖਤਰਾ ਬਣਿਆ ਹੋਇਆ ਹੈ। ਹਾਜ਼ਰ ਕਿਸਾਨਾਂ ਨੇ ਮੰਗ ਕੀਤੀ ਕਿ ਸਰਕਾਰ ਇਲਾਕੇ ਦੇ ਲੋਕਾਂ ਦੀ ਬਾਂਹ ਫੜੇ ਤੇ ਮੱਦਦ ਕਰੇ। ਇਲਾਕੇ ਵਿਚ ਪ੍ਰਭਾਵਤ ਕਿਸਾਨਾਂ ਦੀ ਜ਼ਮੀਨ ਦੀ ਗਰਦਾਵਰੀ ਕਰਵਾਕੇ ਹੋਏ ਨੁਕਸਾਨ ਦੀ ਭਰ ਪਾਈ ਕੀਤੀ ਜਾਵੇ। ਇਸ ਸਮੇਂ ਉੱਕਤ ਦੇ ਨਾਲ ਪੰਚ ਅਮਰਦੀਪ ਸਿੰਘ ਧਨਾਨਸੂ, ਕੁਲਦੀਪ ਸਿੰਘ ਸਾਹਾਬਾਣਾ, ਸਰਪੰਚ ਪ੍ਰੀਤਮ ਸਿੇਘ ਸਾਹਾਬਾਣਾ, ਧਰਮਜੀਤ ਸਿੰਘ, ਬਲਜਿੰਦਰ ਸਿੰਘ, ਅਵਤਾਰ ਸਿੰਘ ਮਾਣਾ, ਨਵਵਿੰਦਰ ਸਿੰਘ ਖਾਸੀਆਂ, ਕੁਲਵਿੰਦਰ ਸਿੰਘ ਖਾਸੀਆਂ, ਸੋਨੂੰ ਸ਼ਰਮਾਂ ਭੁੱਖੜੀ ਆਦਿ ਹਾਜ਼ਰ ਸਨ।
Members-Of-Kul-Hind-Kisan-Sabha-Visited-The-Villages-On-The-Banks-Of-Sutlej
