ਅਯੁੱਧਿਆ ਦੇ 22 ਜਨਵਰੀ ਨੂੰ ਸ਼੍ਰੀ ਰਾਮ ਮੰਦਿਰ ਵਿਖੇ ਹੋਣ ਵਾਲੇ ਪ੍ਰਾਣ ਪ੍ਰਤਿਸ਼ਠਾ ਪ੍ਰੋਗਰਾਮ ਲਈ ਪੰਜਾਬ ਭਰ ਤੋਂ ਲੋਕਾਂ ਨੂੰ ਪੂਜਿਤ ਅਕਸ਼ਤ ਦੇ ਕੇ ਸੱਦਿਆ ਜਾਵੇਗਾ: ਪ੍ਰਸ਼ਾਂਤ ਜੋਸ਼ੀ
ਭੂਰੀ ਵਾਲਾ ਮੰਦਿਰ ਵਿੱਚ ਪੂਜਿਤ ਅਕਸ਼ਤ ਕਲਸ਼ ਵੰਡ ਪ੍ਰੋਗ੍ਰਾਮ ਦਾ ਆਯੋਜਨ
Dec10,2023 | Narinder Kumar | Ludhianaਭਾਰਤ ਸਮੇਤ ਦੁਨੀਆ ਭਰ ਦੇ ਕਰੋੜਾਂ ਲੋਕਾਂ ਦੀ ਸ਼ਰਧਾ ਦੇ ਪ੍ਰਤੀਕ ਭਗਵਾਨ ਸ਼੍ਰੀ ਰਾਮ ਦੇ ਬਾਲ ਰੂਪ ਨੂਤਨ ਵਿਗ੍ਰਹਿ ਨੂੰ 22 ਜਨਵਰੀ ਨੂੰ ਅਯੋਧਿਆ ਵਿਖੇ ਸ਼੍ਰੀ ਰਾਮ ਜਨਮ ਭੂਮੀ ਤੇ ਬਣਾਏ ਜਾ ਰਹੇ ਨਵੀਨ ਮੰਦਿਰ ਭੂਤਲ ਦੇ ਪਾਵਨ ਅਸਥਾਨ ਵਿੱਚ ਵਿਰਾਜਿਤ ਕਰਕੇ ਪ੍ਰਾਣ ਪ੍ਰਤਿਸ਼ਠਾ ਕੀਤੀ ਜਾ ਰਹੀ ਹੈ, ਜਿਸ ਲਈ ਅੱਜ ਲੁਧਿਆਣਾ ਸ਼ਹਿਰ ਵਿੱਚ ਅਕਸ਼ਤ ਪੂਜਨ ਦਾ ਪ੍ਰੋਗਰਾਮ ਵਿਸ਼ਵ ਹਿੰਦੂ ਪ੍ਰੀਸ਼ਦ ਪੰਜਾਬ ਦੇ ਸਹਿ-ਖਜ਼ਾਨਚੀ ਅਤੇ ਅਕਸ਼ਤ ਵੰਡ ਮੁਹਿੰਮ ਪੰਜਾਬ ਦੇ ਕੋਆਰਡੀਨੇਟਰ ਪ੍ਰਸ਼ਾਂਤ ਜੋਸ਼ੀ ਦੀ ਪ੍ਰਧਾਨਗੀ ਹੇਠ ਆਯੋਜਿਤ ਕੀਤਾ ਗਿਆ।
ਪੂਜਾ ਉਪਰੰਤ ਪੂਜਿਤ ਅਕਸ਼ਤ ਕਲਸ਼ ਵੰਡ ਪ੍ਰੋਗਰਾਮ ਵਿੱਚ ਆਰ.ਐਸ.ਐਸ ਪੰਜਾਬ ਪ੍ਰਾਂਤ ਪ੍ਰਚਾਰਕ ਨਰਿੰਦਰ ਰਾਣਾ, ਆਰ.ਐਸ.ਐਸ. ਪੰਜਾਬ ਪ੍ਰਚਾਰਕ ਰਾਮ ਗੋਪਾਲ ਜੀ ਅਤੇ ਵਿਸ਼ਵ ਹਿੰਦੂ ਪ੍ਰੀਸ਼ਦ ਖੇਤਰੀ ਸੰਗਠਨ ਮੰਤਰੀ ਸ੍ਰੀ ਮੁਕੇਸ਼ ਖਾਂਡੇਕਰ ਜੀ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਅਤੇ ਸ੍ਰੀ ਰਾਮ ਦੇ ਭਗਤਾਂ ਦਾ ਮਾਰਗ ਦਰਸ਼ਨ ਕੀਤਾ।
ਇਸ ਮੌਕੇ ਉਨ੍ਹਾਂ ਸੰਬੋਧਨ ਕਰਦਿਆਂ ਕਿਹਾ ਕਿ ਕਈ ਸਾਲਾਂ ਦੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਆਖਰ ਉਹ ਪਲ ਆਉਣ ਵਾਲਾ ਹੈ, ਜਦੋਂ ਕਰੋੜਾਂ ਲੋਕਾਂ ਦੀ ਸ਼ਰਧਾ ਦੇ ਪ੍ਰਤੀਕ ਭਗਵਾਨ ਸ੍ਰੀ ਰਾਮ ਦੇ ਬਾਲ ਰੂਪ ਨੂਤਨ ਵਿਗ੍ਰਹਿ ਦਾ ਨਿਰਮਾਣ 22 ਜਨਵਰੀ ਨੂੰ ਅਯੁੱਧਿਆ ਵਿੱਚ ਸ਼੍ਰੀ ਰਾਮ ਭੂਮੀ ਤੇ ਬਣਾਏ ਜਾ ਰਹੇ ਨਵੀਨ ਮੰਦਿਰ ਭੂਤਲ ਦੇ ਪਾਵਨ ਅਸਥਾਨ ਵਿੱਚ ਵਿਰਾਜਿਤ ਕੀਤਾ ਜਾਵੇਗਾ। ਅੱਜ ਉਹ ਰਾਮ ਭਗਤਾਂ ਨੂੰ ਉਸ ਮੌਕੇ ਸ਼ਾਮਲ ਹੋਣ ਦਾ ਸੱਦਾ ਦੇਣ ਆਏ ਹਨ।
